Հակասական լուրեր են ստացվում Ռուսաստանի եւ Վրաստանի միջեւ տեղի ունեցող
կռիվների մասին։ Ռուսաստանի
կառավարությունը հայտարարել է, որ դադարեցրել է ռազմական գործողությունները եւ
զորքեր է տեղակայելու Աբխազիայի եւ Հարավային Օսիայի տարածքներում։ Իսկ Ռուսաստանի եւ Ֆրանսիայի նախագահները
բանակցել են կռիվները դադարեցնելու պայմանների շուրջ։ Սակայն Վրաստանը շարունակում է պնդել, որ ռուսական զորքերը
շարունակում են հարձակումները։
Վրաստանի դեմ մղած
հնգօրյա մարտերից հետո Ռուսաստանի
նախագահ Դմիտրի Մեդվեդեւը հրահանգել էր դադարեցնել մարտական գործողությունները
ասելով.
՛՛Նախահարձակը
բավականաչափ պատժվել է եւ մեծ կորուստներ է կրել։ Վրաստանի զինուժը կազմալուծվել է՛՛։
Մեդվեդեւը չի բացառել
հետագա գործողությունների հավանականությունը, սակայն խոստացել է ոչնչացնել
ընդդիմության որեւէ կենտրոն ։ Նա
պահանջել է նաեւ, որ Վրաստանը մշտապես դուրս գա Հարավային Օսիայից։
Այս հայտարարությունից
մի քանի ժամ անց Վրաստանը հայտարարել է, թե ռմբակոծումները շարունակվում են
Գորիում։
Ռուս Վրացական
հակամարտության բռնկումից ի վեր սպանվել են ավելի քան 2ՕՕՕ հոգի եւ տասնյակ
հազարավոր ուրիշներ էլ հեռացել են իրենց հայրենի հողերից։
Վրաստանի նախագահ
Միխաիլ Սահակաշվիլին
ժողովրդավարության օգտին
կազմակերպված մի հանրահավաքում Ռուսաստանին մեղադրել է իր նախկին խորհրդային
վերահսկողությունը վերահաստատելու ջանքերի մեջ։
՛՛Մենք դիմում են
աշխարհին եւ խնդրում որ մեզ օգնեն։
Սակայն ռուսները մեկ տարի է ինչ նախապատրաստվել են այս
գործողություններին՛՛, ասել է Սահակաշվիլին։
Նախագահ Բուշը խստորեն
քննադատել է Ռուսաստանի գործողությունները այս ճգնաժամի ընթացքում ։ Իսկ ԱՄՆ-ի արտգործնախարար Քոնդոլիսա Ռայսը
Ռուսաստանին կոչ է արել դադարեցնել ամեն տեսակի ռազմական գործողությունները
Վրաստանի դեմ։
՛՛Խիստ կարեւոր է այժմ
որ բոլոր կողմերը համաձայնեն զինադադարի շուրջ եւ անհրաժեշտ է որ ռազմական բոլոր
գործողությունները դադարեն այժմ՛՛, ասել է Ռայսը։
Չնայած ռազմական
հակամարտության ավարտի հավանականությանը, քաղաքական պայքարը ավարտված չէ։ Ռուսաստանն այժմ պահանջել է Վրաստանի նախագահի հրաժարականը։ Ւսկ Սահակաշվիլին, իր հերթին, ասում է, թե
Ռուսական խաղաղապահ ուժերը իրականում իր երկիրը գրաված ուժեր են։
Հոդվածը ուղարկել
Տպագիր տարբերակ
