| Azərbaycan Olimpiyadanı 39-cu yerdə başa vurur |
24/08/2008
|
|
ABŞ-ın kişilərdən
ibarət basketbol komandası Olimpiyadanın son günü dünya çempionu olan
İspaniyanı 118-107 hesabı ilə məğlub edərək fəxri kürsünün ən yüksək zirvəsinə
qalxıblar. 4 il əvvəl Afinada bürünc medalla kifayətlənən amerikalılar bugünkü oyunun
son 2.5 dəqiqəsinə cəmi 4 xal üstünlüklə
girsələr də görüşün sonuna kimi qələbəni qoruyub saxlaya biliblər. Bu ABŞ
komandasının Sidney Olimpiya Oyunlarından bəri beynəlxalq arenada qazandığı ilk
qızıl medaldır. Komandaya ən çox xal qazandıran Dveyn Veyd olub. Oyun ərzində
o, 27, Kobe Brayant isə 20 xal qazanmağa müvəffəq olub. Daha əvvəl isə ABŞ-ın
kişilərdən ibarət voleybol komandası Braziliyanı 3-1 hesabı ilə məğlub edərək
son 20 ildə ilk Olimpiya qızılına yiyələnib. Bədii gimnastika üzrə komanda
yarışlarında bu gün mübarizə aparan Azərbaycan komandası isə medal qazana
bilməyib. Komanda yalnız 7-ci yerlə kifayətlənib. Bu idman növündə gözlənildiyi
kimi Rusiya komandası qızıl medallara sahib olub. Azərbaycan komandası
Olimpiyadanı 7 medalla 39-cu yerdə başa vurur.
Bu məqaləni göndərin
Çap variantı
![[insert caption here]](/azerbaijani/images/AFP-Beijing-Olympics-logo-01Jul08-1907.jpg "[insert caption here]"){kind=logo}
