Şərq-Qərb" Araşdırmalar Mərkəzinin rəhbəri Ərəstun Oruclu hesab edir ki, ABŞ vitse-prezidenti Dik Çeyni Azərbaycan rəhbərliyi ilə enerji, təhlükəsizlik, Gürcüstana dəstək və Azərbaycanın Rusiya-Gürcüstan müharibəsinə mövqeyinin dəqiqləşdirilməsi məsələləri ətrafında müzakirələr aparacaq.

    Politoloqun fikrincə, Azərbaycanın açıq tekstlə Gürcüstanı müdafiə etməsinin Rusiyanın və Ermənistanın təzyiqlərini  artıra bilər.

     O Ermənistan-Azərbaycan münaqişəsinin nizamlanma prosesində də yeni situasiyanın yarandığını düşünür. "Artıq nizamlanma prosesində ABŞ, Fransa və Rusiyanın bir yerdə olması mümkün deyil"-deyə o qeyd edib.

    Ə.Oruclu  hesab edir ki, Rusiya Abxaziya və Cənubi Osetiyanı tanımaqla MDB-nin və Kollektiv Təhlükəsizlik Müqaviləsinin süquta uğramasının başlanğıcını qoyub. "Çünki bu təşkilatlara üzv dövlətlərlə Rusiyanın mövqeləri üst-üstə düşmür".