افقانیستان رسمی‌لری‌نین بیلدیردیگینه گؤره، قندهار شهرینده پولیس قرارگاهینا ایکی اینتیحارچی هوجومو نتیجه‌سینده پولیس ایشچی‌لری ده داخیل اولماقلا، آلتی نفر هلاک اولوب. رسمی‌لر هوجومو حیاتا کئچیرن اینتیهارچی‌لارین اؤزلرینی بینانین قارشی‌سیندا پارتلادیقلارینی بیلدیریب‌لر. اونلارین وئردیگی معلوماتا گؤره، هدف آلیندیغی احتیمال ائدیلن پولیس ریيسی عبدول رازیق حادثه نتیجه‌سینده یارالانیب. هوجوم‌دان سونرا افقانیستان حربی قوه‌لری درحال قرارگاهی محاصره‌یه آلیب. بو گون هابئله، آبش و و افقانیستان رسمی‌لری آیری-آیری حادثه لر  زامانی 20-یه یاخین یاراقلینین قتله یئتیریلدیگینی بیلدیریب‌لر. آبش حربی قوه‌لری‌نین شرقده خوست ویلایتینده حیاتا کئچیردیگی هوجوم نتیجه‌سینده 10 یاراق‌لی، هئلمند ویلایتینده ایسه پولیس پوستونا هوجوم زامانی داها 10 یاراقلی قتله یئتیریلیب.