သမ္မတကတော် လောရာဘုရှ် နဲ့ ဒေါက်တာစင်သိယာမောင် တို့ မြန်မာ့အရေး တွေ့ဆုံဆွေးနွေး (ဓါတ်ပုံ အေပီ)

အခုလို သမတကတော် နဲ့ သမီးဖြစ်သူတို့ မယ်လဒုက္ခသည်စခန်း နဲ့ မယ်တော်ဆေးခန်း တို့ကို သွားရောက်နေတဲ့ တချိန်ထဲမှာ ဘန်ကောက်မြို့မှာ သမ္မတ ဘုရှ် က အာရှခရီးစဉ် နဲ့ ပတ်သက်ပြီး အဓိက ပြောဆိုမှုတွေအတွင်း မြန်မာပြည် နဲ့ ပတ်သက်လို့လည်း ထည့်သွင်းပြောဆိုခဲ့ပါတယ်။

"မြန်မာနိုင်ငံမှာ အာဏာရှင်စံနစ် အဆုံးသတ်သွားတာကို ကျနော်တို့အားလုံး တွေ့မြင်လိုပါတယ်။ ဒီအတွက် မြင့်မြတ်တဲ့လုပ်ငန်းတွေ ဆောင်ရွက်နေသူတွေထဲက သူတယောက်ကို ကျနော်လက်ထပ်ယူခဲ့ပါတယ်။ ဒီကနေ့ လော်ရာ ထိုင်း-မြန်မာ နယ်စပ်မှာရှိတဲ့ ဒုက္ခသည်စခန်း နဲ့ဆေးခန်းကိုသွားနေပါတယ်။ ဒေါ်အောင်ဆန်းစုကြည် နဲ့ နိုင်ငံရေး အကျဉ်းသားတွေ အားလုံးလွှတ်ပေးဘို့ကိုလည်း ကျနော်တို့တောင်းဆိုနေပါတယ်။ မြန်မာပြည်သူတွေ လွတ်လပ်ခြင်းဆု ရရှိတဲ့အထိ ကျနော်တို့ဆက်လက်လုပ်ဆောင် သွားမှာပါ။"

အဲ့ဒီနောက်မှာတော့ သမ္မတဘုရှ် က ဗွီအိုအေ (VOA)၊ အာရ်အက်ဖ်အေ (RFA)၊ ဘီဘီစီ (BBC) နဲ့ ဒီဗွီဘီ (DVB) စတဲ့ မြန်မာသတင်းဌာနက သတင်းထောက်တွေ နဲ့ သီးသန့် တွေဆုံခဲ့တဲ့အပြင် မြန်မာ့အရေးလှုပ်ရှားသူတွေ နဲ့လည်း သီးသန့်တွေ့ဆုံခဲ့ပြီး မြန်မာနိုင်ငံအရေး နဲ့ ပတ်သက်လို့ ရင်းရင်းနှီးနှီး ပြောဆိုဆွေးနွေး ခဲ့ပါတယ်။