Leşkerê Amerîka dibêje yek ji helîkopterên wê li başurê Iraqê ketîye xwarê û heft serbazên Amerîkî canê xwe ji dest dane.

Leşker dibêje helîkopter li bajarê Basra ketîye xwar û lêkolîna bo egera ketina wê berdewam e.

Leşkerê Amerîka dibêje du serbazên din jî di şerrekî de li Iraqê duhî canê xwe ji dest dane.

Herwisa duhî çarşembîyê bi teqîna bombeyan li Bexda 11 kes hatine kuştin û zêdeyî 30 kes jî birîndar bûne.

Ji alîyek din ve serokwezîrê Iraqê Nurî El Malikî duhî got berbestên li ser gotûbêjên digel Welatên Yekgirtîyên Amerîka liser rêkeftina dirêj kirina rewşa asayîşê her wisa maye. Navber dibêjin  yek ji meseleyên ku giriftdarî li ser hene ew e ku ka leşkerê Amerîka tevî hêza Iraqî parastinê bike yan na.