UNHCR

Waxaa dib u dhac uu ku yimid howlo dhinaca gargaarka ah oo ay ka faa’idaysaneeyn 40 kun oo qof, kadib markii Sabtidii la afduubay nin si wayn loo yaqaano oo ka tirsan xafiiska UNHCR ee Muqdisho. UNHCR waxa ay sheegtay in Xasan Maxamed Cali uu ahaa qofkii muddada uga dheer ka shaqeeynayay xafiiskeeda Muqdisho iyaga oo ku tilmaamay in uu yahay nin u dhaq-dhaqaaqa arimaha bini’aadanimada iyo xuquuqul insaanka.

Catherine Weibel oo ah af-hayeenka UNHCR ayaa iyada oo Nairobi joogta la hadashay wariye Joe De Capua oo ka tirsan qaybta Ingiriiska ee VOA-da, ayaa sheegtay inayan wax war ka hayn saaxiibkood oo habaynimadii Khamiista isaga oo qoyskiisa la jooga Muqdisho la afduubay.

Afhayeenku waxa ay wariyeheenna u sheegtay in ayan wax fakar ah ka haynin sababta afduubka ka dambaysa iyada oo tilmaantay in dhacdadani ay saamayn ku yeelan doonto howlaha gargaarka ee ay hadda wadaan, sababtoo ah bay tiri in Xasan Maxamed Cali uu mas’uul ka ahaa howlaha gargaar qaybinta ee sida xowliga uga socday Muqdisho iyo degaanada ku meeraysan.

Guddoomiyaha hay’adda Qaxootiga Adduunka ayaa dalbaday in si dagdag ah loo sii daayo ninkaas, inkasta oo ay Catherine Weibel sheegtay in aan wax jawaab ah wali laga hayn, waayo lamaba yaqaan cidda wax afduubtay iyo sababta ay wax u afduubeen toonna.