Ismail_O_Geele

Xarunta madaxtooyada ee magaalada Jabuuti ayey maanta kulan ku yeesheen madaxweynaha Jabuuti Ismaaciil Cumar Geelle iyo Madxaweynaha Jamhuuriyadda la magacbaxday Somaliland Daahir Rayaale Kaahin oo shalay tagay dalka Jabuuti.

Sida uu noogu soo waramayo Xusen Barre Adan, Md. Ismaaciil Cumar Geelle ayaa kulankaa kadib qado-howleed u sameeyay wafdiga martida u ahaa, iyada oo ay ka soo qaybgaleen masuuliyiin sare oo ka tirsan xukuumadda Jabuuti.

Afhayeen wafdiga Jamhuuriyadda la magac baxday Somaliland ayaa saxaafadda u sheegay in qadadaas looga hadlay xiriirka walaalnimo ee labada dhinac iyada oo xoogga la saaray arimaha ay ka midka yihiin nabadgalyada, difaaca, ganacsiga iyo arimaha bulshada.