Mogadishu Police

Tafaasiil dheeraad ah ayaa ka soo baxaya weerar ay shalay maleeshiyada kooxaha mucaaradka ee ka dagaalamaya magaalada Muqdisho ay ku qaadeen saldhig booliis oo ku yaalla duleedka waqooyi ee magaalada, halkaasi oo lagu dilay toban ruux. 

Dadka la dilay ayay sagaal ka mid ah ka tirsanaayeen ciidanka booliska. Askartaan oo la aasay saakay ayaa waxa dilkooda ka hadlay guddoomiye ku xigeenka maamulka gobalka Banaadir ee arimaha nabadgalyada Md. Cabdifitaax Ibraahim Shaaweey isaga oo qaabkii uu dilkaasi u dhacay ku tilmaamay mid diinta iyo bini’aadanimada ka baxsan, dhanka kalena ku sheegay in dilkaasi yahay mid ay ka xumaadeen shacabka Soomaaliyeed. 

Wariye Axmed Xasan Colaad ayaa warbixin dheeri ah nooga soo diray Muqdisho.