Magaalada Kismaayo

Hay’adaha xuquuqda aadanaha ee ka howl-gala Soomaaliya ayaa si weyn u cambaareeyay weerar ay xalay koox dablay ah ku qaadeen guri ku yaala magaalada Kismaayo halkaas oo ay ku dhinteen laba carruur ah oo wada dhashay. 

Weerarkan oo sidoo kale uu dhaawac ka soo gaaray saddex qof oo isla qoyskaas ka tirsan ayna ka mid yihiin laba kale oo caruura iyo hooyadii dhashay ayaa sida ay sheegayaan warar aan la xaqiijin bartilmaameedka dablaydu waxa uu ku jahaysnaa aabaha qoyska weerarka lagu qaaday.  Aabahaas ayaa isagu waqtiga weerarku dhacay guriga ka maqnaa.