Calanka Soomaaliya

Waxaa magaalooyin kala duwan oo Soomaaliya ah si wayn looga xusay munaasabadda 1-da July oo ah maalinta xuriyadda iyo midowga koonfurta iyo waqooyiga Soomaaliya. 

Dhinaca kale, waraysi uu Haaruun Macruuf la yeeshay madaxwaynaha DFKS Md. Cabdullaahi Yuusuf Axmad ayuu isaga oo munaasabaddan ku beegaya waxa uu madaxwaynuhu sheegay in ay la tahay in la nabadeeyo Koonfurta Soomaaliya, kadibna wadahadal lala galo kuwa Waqooyiga si loo ilaaliyo midnimada Soomaaliya. 

Magaalada Baydhabo oo ka mida meelaha laga xusay munaasabaddan ayaa waxa ka soo qayb-galay guddoomiyaha barlamaanka DFKS Md. Sheekh Aadan Madoobe.  Hadal uu ka jeediyay dabaaldaga loo sameeyay munaasabadda calanka ayuu dadka Soomaaliyeed faray in ay is cafiyaan iyaga oo eegaya duruufta waddanka.

Magaalda Muqdisho ayaa sida uu wariyaheheena soo sheegayo waxaa ka dhacay munaasabad aan sidaa u waynayn iyada oo ay iska hor-imaadyaduna halkoodii ka sii socdeen.  Si kastaba, ahaatee, magaalada Boosaaso ayay ka dhacday xafladdii ugu waynayd sida uu wariyaha VOA-da ee magaalada Boosaaso ku soo waramayona munaasabaddani waxa ay ayahd tii ugu ballaarnayd oo nooceeda ah kana dhacda magaalada Boosaaso.