Prof. Said Samatar

Wararka ka soo baxaya masuuliinata maxaakiinta islaamka ayaa sheegaya in labada garab ee ka kala socdey Jabuuti iyo Asmara ay ka heshiiyeen xurguftii dhex-martay labada dhinac intii ka horeysey shirkii Jabuuti.

Sidoo kale, macluumaadka nooga imanya mas’uuliyiinta qaar ka mid ah ayaa sheegaya in labada garab ee kooxdii la isku oran jirey Maxaakiinta Islaamku ay ku heshiiyeen inta badan qodabadii heshiiskii  Jabuuti ku dhex-maray xukuumadda iyo garab ka mida Isbahaysiga Dib-u-xoreeynta Soomaaliya.

Haddaba si aannu wax badan uga ogaanno afkaarta ku xiriirta iyo waxa uu ka dhignaan karo heshiiska ay gaareen labada garab ee Maxaakiimta ayaa arinkaas iyo qodobo kale aan ka wareysanay Prof. Saciid Shiikh Samatar oo ah taariikhyahan Soomaaliyeed oo wax ka dhiga Rudgers University oo ku taal gobolka New Jersey ee  Woqooyiga-bari ee Mareykanka.

Cabdiraxman Yabarow oo Prof. Saciid Samatar wareystay ayaa su’aalihiisa ku bilaabey saameyn intee le’eg ayuu heshiiska ay gaareen labada garab ee Maxaakiintu ku yeelan karaan wixii horey Jabuuti loogu heshiiyey.