Magaalada Djibouti

Waxa maanta magaalada Jabuuti ka furmey kal-fadhigii 2aad ee Golaha Dhexe ee Ururka Isbaheysiga Dib-u-Xoreynta Soomaaliya oo ay ka maqan yihiin xubnihii ku haray Asmara kadib markii ay ka biyo diideen heshiis uu ururku la galay xukuumadda ku-meel-gaarka ah ee Soomaaliya.  Madasha shirka ayaa waxaa goob-joog ka ahaa 106 xubnood, tiradaas oo sida ay xog’haynta shirku shagtay buuxisay tirada sharciga ah ee uu shirwaynuhu ku qabsoomi karo.

Shirkan oo ay ka soo qayb-galeen mas’uuliyiin ka tirsan beesha caalamka ayaa madaxda ururka ee haddallada ka soo jeediyay waxaa ka mid ahaa guddoomiyaha golaha dhexe ee Isbahaysiga Dib-u-xoreeynta Soomaaliya Sheekh Shariif Sheekh Xassan iyo guddoomiyahah guddiga fulinta Sheekh Shariif Sheekh Axmed. 

Labaduba waxa ay aad ugu dheeraadeen duruufta ka taagan Soomaaliya iyo sida loogu baahan yahay in Soomaaliya loogu soo dabbaalo nabad.