آپ کا سماجی، معاشی اور سیاسی ماحول کیسا ہے۔ آپ کو اپنی زندگی میں کن کن بڑے مسائل کا سامنا کرنا پڑتا ہے۔ اور اگر آپ کے پاس وسائل اور اختیارات موجود ہوں تو آپ انھیں کیسے حل کریں گے۔ ازراہِ کرم اپنے خیالات ہمیں لکھ بھیجئے۔ ہم انھیں نشر کرنے میں خوشی محسوس کریں گے۔ ہمارا ای میل کا پتا ہے urdu@voanews.com

ڈاکٹر حیدر شاہ، کرک میں ڈاکٹر حیدرشاہ درد یونین کونسل گرگری ضلع کرک صوبہ سرحد سے لکھ رہا ہوں۔ہمارے علاقے کا سب سے بڑا مسئلہ پانی کا ہے۔لوگ دوردور سے ہتھ ریڑھی اور گدھوں کے ذریعے پانی لاتے ہیں۔اور وہ پانی بھی ایسا ہے۔جو پینے کے قابل نہیں۔لیکن مجبوری کے حالت میں لوگ استعمال کرتے ہیں۔ پانی کی قلت اتنی ہے کہ اگر کوئی شخص پیاسا ہے تو اگر اس کو ایک گلاس کی ضرورت ہے تو ایک گھونٹ سے گزارا کرتا ہے،اگر وضو بناتا ہےتو ایک لوٹے کی بجائے ایک گلاس سے وضو بناتا ہے۔اگر نہانے کی ضرورت ہے ،تو ایک بالٹی کی بجائے ایک لوٹے سے نہاتا ہے۔الغرض تکلیف اتنی کہ بیان کرنے کے قابل نہیں۔ اس مسئلے کا انتہائی آسان حل یہ ہےکہ ہمارے گاوں کے بالکل سامنے ایک پہاڑ ہے جس میں بےپناہ پانی موجود ہےاور ہمارے آس پاس جتنے بھی گاوں ہیں۔ان سب کو اس پہاڑ سے چشمے نکلتے ہیں۔جس میں ( میانجی خیل،قادری بانڈہ،آمان کوٹ،کنڈی) قابلِ ذکر ہیں۔اور پہاڑ کے دوسری طرف ( کربوغہ شریف،درشی گاوں ) ہیں۔ان دونوں کو بھی اس پہاڑ سے پانی کے چشمے نکل رہے ہیں۔ جناب ان سب علاقوں کو اس پہاڑی سے میٹھے پانی کے چشمے نکل رہے ہیں۔جن سے ان علاقوں کے لوگ کھیت بھی سیراب کرتے ہیں۔اور پینے کے لیے بھی استعمال کرتے ہیں۔ اگر میرے پاس اختیارات ہوتے ۔تو میں پہاڑی پر زبردست فنڈ خرچ کرتا ۔اور اس سے پانی کے چشمے نکال کر سارے علاقے کو اس عذاب عظیم سے نجات دلاتا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سید حماد الرحمٰن، گلگت پاکستان کا سب سے بڑا مسئلہ دہشت گردی اور مہنگائی ہے۔ اگر میرے پاس اختیار ہوتا تو میں پاکستان کو صحیح معنوں میں جدید اسلامی ریاست بناتا، جس میں لوگوں کو وہ نظام ملتا جو قرآن اور سنہ نے ہمیں دیا ہے۔ پاکستان کو امریکہ کہ غلامی سے نکلنا اور جدید اسلامی نظام نافذ کر کے مسلمانوں کو اللہ کی مدد سے دنیا میں اپنا کھویا ہوا مقام دوبارہ حاصل کرنے کی کوشش کریں گے۔ جس ملک کی 98 فی صد آبادی مسلمان ہو وہاں اسلام کے علاوہ کون سا نظام کامیاب ہو سکتا ہے؟ پاکستان اور پوری دنیا کے مسائل کا حل صرف اسی بات میں ہے۔ اس کے بعد کسی کو ہماری طرف میلی آنکھ سے دیکھنے کی جرات نہیں ہو گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نام گم نام، خانیوال میں خانیوال میں رہتا ہوں جو کہ ملتان کا ضلع ہے۔ یہاں کے مسائل کو کوئی ٹیلی ویژن چینل یا اخبارکوریج نہیں دیتا۔ یہاں کے ناظم اور دوسرے حکامِ اعلیٰ بہت ہی بدعنوان اور بے ایمان ہیں۔ دو سال سے مین روڈ نہیں بنا اور نہ ہی اس کے بننے کی کوئی صورت نظر آتی ہے۔ اس کے علاوہ یہاں بھکاریوں کی بھرمار ہے جن کے پیچھے مجرم پیشہ افراد کے گینگ کام کر رہے ہیں۔ یہی لوگ منشیات کا کاروبار بھی کرتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ذیشان ہمارا سب سے بڑا مسئلہ قحط کا ہے۔ اگر میرے پاس اختیارات ہوتے تو میں سب سے پہلے علما کو اکٹھا کر کے ان سے مشورہ لیتا، جس طرح حضرت یوسف علیہ السلام کے عہد میں ہوتا تھا۔