سوڈان کے صدر البشیر

توقع ہے کہ عرب لیگ کے سیکرٹری جنرل عمر موسیٰ سوڈانی حکومت اور بین الاقوامی فوج داری عدالت آئی سی سی کے درمیان بحران کے خاتمے کے لیے ترتیب دیے گئے ایکشن پلان کے تحت اتوار کے روز سوڈان جائیں گے۔

تاہم عمر موسیٰ نے خرطوم میں عہدے داروں کے ساتھ اپنے اجلاس سے قبل اس منصوبے کی تفصیلات بتانے سے انکار کردیا۔

آئی سی سی کے پراسیکیوٹر نے صدر البشیر پر سوڈان کے علاقے دار فر میں قتل عام اور انسانیت کے خلاف اور جنگی جرائم کی منصوبہ بندی کا الزام عائد کیا ہے اور وہ عدالت کے ججوں سے صدر کی گرفتاری کے لیے وارنٹ جاری کرنے کی درخواست کررہے ہیں۔

سوڈان کی درخواست پر عرب لیگ کے ملکوں کے وزرائے خارجہ ہفتےکے روز قاہرہ میں ایک ہنگامی اجلاس منعقد کیا جہاں انہوں نےایک بیان جاری کیا جس میں مرینو اوکامپو کے الزامات کو اس لیے  غیر متوازن قرار دیا گیا کہ اُس میں دارفر کے باغیوں کی کارروائیوں کے بارے میں کوئی تفصیلات موجود نہیں تھیں۔

انہوں نے یہ انتباہ بھی کیا کہ سوڈانی صدر کی گرفتاری سے ایک خطرناک مثال قائم ہوجائے گی اوراس کے نتیجے میں علاقے میں مزید تشدد پیدا ہوسکتاہے۔