جنوبی کوریا کے عہدے داروں نے کہا ہے کہ جاپان کے سمندر میں جنوبی کوریا کے ایک چھوٹے جہاز سے شمالی کوریا کی مچھلیاں پکڑنے والی کشتی کی ٹکر کے بعد سے شمالی کوریا کے دو باشندے لاپتا ہیں۔

فوجی عہدےد اروں نے کہا ہے کہ شمالی کوریا کی مچھلیاں پکڑنے والی کشتی منگل کے روز شمالی کوریا کے پانیو ں میں جنوبی کوریا کے ایک بحری جہاز سے ٹکرا گئی جس پر ریت لدی ہوئی تھی۔

پویس کا کہنا ہے کہ شمالی کوریا کے دو اور ماہی گیروں کو ریت لے جانے والے عملے نے بچالیا۔ جنوبی کوریا کے عہدے داروں نے کہا ہے کہ شمالی کوریا کی کشتی میں چار افراد سوار تھے۔

جنوبی کوریا کے ایک ترجمان نے کہا ہے کہ حادثے کی وجہ کا ابھی تعین نہیں ہوا ہے۔