ترکی کے ایک خبررساں ادارے نے کہا ہے کہ جنوبی مشرقی ترکی میں بارودی سرنگ  پھٹنے سے ایک فوجی ہلاک اور آٹھ  زخمی ہوگئے ہیں۔

خبررساں ادارے اناطولیہ کے عہدے دار نے کہا ہے کہ باردوی سرنگ کایہ دھماکا پیر کے روز ایک فوجی گاڑی کے قریب ہوا۔ خبر کے مطابق خیال ہے کہ اس بارودی سرنگ کو کرد باغیوں نے نصب کیا تھا۔

ترکی نے اس سال ترکی اور شمالی عراق کی سرحد کے آر پار،  جہاں ہزاروں باغی موجود ہیں، کالعدم کردستان ورکرز پارٹی کے باغیوں کے خلاف فوجی کارروائیوں میں اضافہ کردیا ہے۔