امریکی اور افغان عہدے داروں نے کہا ہے کہ مشرقی افغانستان میں ایک امریکی فوجی اڈے کے باہر ایک خود کش بم دھماکے میں نو افغان شہری ہلاک اور13 زخمی ہوگئے۔

عہدےد اروں نے کہا ہے کہ صوبے خوست میں پیر کے روز کاربم کا یہ دھماکے سے فوجی اڈے کے اندر کوئی نقصان نہیں ہوا۔

طالبان نے اس دھماکے کی ذمے داری قبول کر لی ہے۔

صوبے خوست کے گورنر ارسلا جمال نے کہا ہے کہ حملے کے متاثرین افغان مزدور تھے۔ انہوں نے کہا کہ ایک د وسرا حملہ آور ان عہدے داروں کی جانب بڑھا جو پہلے دھماکے کی چھان بین کررہے تھے لیکن اسے دھماکا خیز مواد اڑانے سے پہلے ہی گولی مار کر ہلاک کردیا گیا۔

یہ حملہ ایک ایسے وقت میں ہوا جب دارالحکومت کابل میں پیر کے روز یوم آزادی کی تقریبات کے موقعے پر حملوں کو روکنے کے لیے ہزاروں اضافی پولیس اہل کار ڈیوٹی پر ہیں۔