تھائی پولیس اس سرکاری احاطے میں زبردستی دوبارہ داخل ہوگئی ہے جس پر وزیر اعظم سماک کے استعفے ٰ کا مطالبہ کرنے والے ہزاروں مظاہرین نے قبضہ کرلیا تھا۔

بلوہ پولیس کے سینکڑوں اہل کار عدالت کا وہ حکم نامہ پہنچانے کے لیے جمعے کے روز بنکاک میں واقع گورنمنٹ ہاؤس پر ہلہ بولا۔ اس حکم نامے میں  مظاہرین کو احاطے سے نکلنے کے لیے کہا گیا ہے۔

جمعے کی صبح کم ازکم چار سو پولیس اہل کاروں نے سرگرم کارکنوں کو اس جگہ سے ہٹنے پر مجبور کردیا تھا۔ پولیس نے کوئی مزاحمت نہیں کی اور مظاہرین نے پولیس کے چلے جانے کے بعد تالیاں بجائیں اور موسیقی پر رقص کیا۔

حزبِ اختلاف کی پیپلز الائنس فار ڈیموکریسی کے دس ہزار سے زیادہ حامیوں نے منگل کے روز سے سرکاری احاطے پر قبضہ کیا ہوا ہے۔ وہ وزیر اعظم سماک پر سابق وزیر اعظم تھاکسن شنوواترا کے انتہائی قریب ہونے کا الزام عائد کرتے ہیں جنہیں 2006ءمیں فوجی انقلاب  کے ذریعے اقتدارسے الگ کردیا گیا تھا اورجن پر بدعنوانی کا الزام ہے۔