امریکہ میں اقلیتیں تیزی سے بڑھہ رہی ہیں

امریکہ میں صدارتی انتخابات کی دوڑ تیزی سےاپنے اختتام کی طرف بڑھ رہی ہے۔  ایسے میں وہ ریاستیں جہاں کسی ایک صدارتی امیدوار کی جیت ابھی یقینی نہیں ہے وہاں ا ب اقلیتوں کے ووٹ بھی فیصلہ کن ثابت ہو سکتے ہیں۔  ایسی ہی ایک ریاست  ورجینیا ہے۔

ورجینیا میں ایک لاکھ سے زیادہ پاکستانی امریکن آباد ہیں۔  نائین الیون کے بعد امریکہ میں بیرونی ملکوں سے آکر آباد ہونے والے تارکین وطن ، بالخصوص پاکستانیوں میں امریکی سیاست میں بھرپور کردار ادا کرنے کا احساس بڑھا ہے۔  چنانچہ ان دنوں پاکستانی امریکن صدارتی انتخابی مہم میں پیش پیش دکھائی دے رہے ہیں۔

تجزیہ کاروں کا کہناہے کہ ورجینیا میں آباد پاکستانی تارکین وطن سیاسی  سوجھ بوجھ کےساتھ اپنے ووٹ کے حق کا استعال کریں تو اس ریاست کی سطح پرانتخابی نتیجے پر اثر انداز ہوسکتے ہیں۔