امریکی دارلحکومت واشنگٹن ڈی سی میں دنیا کے اکثر ممالک کے سفارت خانے موجود ہیں۔ ان میں ایک بڑی تعداد اسلامی ملکوں کی بھی ہےجن سےوابستہ ملازمین اور سفارت کار واشنگٹن شہر یا اس کے مضافات میں رہتے ہیں۔ واشنگٹن میڑو ایریا میں عید کا تہوار مذہی جوش و جذے سے منایا جاتا ہے۔ جس میں دنیا کے مختلف حصوں سے آئے ہوئے مسلمان شرکت کرتے ہیں ۔ اس موقع پر دنیا بھر کے مسلمان اپنے اپنے علاقوں کے لباس پہنتے ہیں اور ان کی ثقافت کے رنگ نظر آتے ہیں۔

واشگٹن ڈی سی میں عید کا سب سے بڑا اجتماع واشنگٹن کے اسلامک سینٹر میں ہوتا ہے۔ جس میں دنیا کے ہر خطے سے آئے ہوئے مسلمان کندھے سے کندھا ملا کر اللہ کے حضور سجدہ ریز ہوتے ہیں۔ اکثر اسلامی ملکوں کے  سفیر اور سفارت کار اسلامک سینٹر میں ہی عید کی نماز ادا کرتےہیں۔

واشنگٹن ڈی سی کا اسلامک سینٹر صرف ایک دینی مرکز ہی نہیں ہے بلکہ اسے ایک کمیونٹی سینٹر کی حیثیت بھی حاصل ہے۔ مسلمانوں کی کئی سماجی تقریبات بھی اسی مرکز میں ہوتی ہیں۔