فیڈرل ریزرو کے چیرمین بین برنیکی (دائیں) اور وزیر خزانہ ہنری پالسن

امریکہ کے فیڈرل ریزرو نے بدھ کے روز شرح سود میں کمی   کا اعلان کیا  تاکہ تاجر ایک بار اپنے کاروبار پھر سے چلانے کے لیے بینک سے قرض لے سکیں۔ فیڈرل ریزرو کے چیرمین بین برنانکے کا کہنا ہے کہ سٹاک مارکیٹ میں بحران کی موجودہ صورت حال نہ صرف امریکہ کی معیشت کو متاثر کر سکتی  ہے، بلکہ آئندہ برسوں  میں بھی معیشت کی بحالی میں تاخیر کا سبب بن  سکتی ہے۔

امریکی مرکزی بینک نے کہاہے کہ وہ اقتصادی سرگرمی میں ایک نمایاں کمی اور افراط زر کے خطرے کی کمی کی وجہ سے سود کی بنیادی شرح میں نصف سے ڈیڑھ فی صد تک کمی کررہا ہے۔  

عہدےد اروں کو توقع ہے کہ سود کی شرحوں میں کمی سے بینکوں کو قرضوں کی رقم کی ادائیگی بحال کرنے اور قرضوں کے اس بحران میں کمی لانے میں مدد ملے گی جس کی وجہ سے بہت سے کاروباری اداروں کے لیے کام کرنا مشکل ہوگیا ہے۔

حالیہ دنوں میں بہت سی اسٹاک مارکیٹیں بری طرح گر چکی ہیں۔  شرح سود میں کمی کے اعلان کے بعد یورپی اسٹاک مارکیٹوں میں کاروبار میں تیزی آگئی۔  امریکی اسٹاک مارکیٹ کے انڈیکس کاروبار کے آغاز پر تیزی سے گرے لیکن بعد میں کاروبار میں نمایاں بہتری آگئی۔