عالمی منڈی میں چاول کی قیمت بلند ترین سطح پر پہنچ گئی ہے۔ بزنس کے نیوز چینل بلوم برگ کی ایک رپورٹ کے مطابق 45 کلو چاول کی قیمت 20 ڈالر 99 سینٹ پر ریکارڈ کی گئی جو اب تک کی سب سے زیادہ قیمت ہے۔

چاول دنیا کی وہ واحد فصل ہے جو آدھی سے زیادہ آبادی کو خوراک مہیا کرتی ہے، تاہم گذشتہ ایک برس سے چاول کی قیمت دوگنی ہو جانے کی وجہ سے دنیا کے غریب خاندان دباؤ کی زد میں آ گئے ہیں۔

چاول پیدا کرنے والے ممالک چین، مصر، ویت نام اور بھارت چاول کی برآمد کم کرنےکی کوشش کر رہے ہیں تاکہ داخلی قیمتوں میں فرق نہ آسکے۔