جی ایٹ سربراہ

دنیا کے امیر ترین صنعتی ممالک کے قائدین نے  2050ء تک گرین ہاؤس گیس کے اثرات کو آدھا کر دینے کا ہدف مقرر کیا ہے۔گرین ہاؤس گیس کی زیادتی عالمی تپش میں اضافہ کرتی ہے۔

جاپانی وزیر ِ اعظم یا سُو  او  فوُ کوُ دا  نے، جو جاپان کے ایک  شمالی جزیرے ہوکا ایدو میں جی ایٹ سربراہ کانفرنس کی میزبانی کر رہے ہیں، منگل کے روز اس ہدف کا اعلان کیا۔انہوں نے کہا کہ اس مجموعی ہدف کی کامیابی انفرادی ممالک کی گرین ہاؤس گیس کے اخراج میں کمی کے منصوبے پر جوش و خروش کے ساتھ عمل کرنے پر منحصر ہے۔

صدر بش کے ماحولیات سے متعلق چوٹی کے مشیر، جِم کنافٹن نے کہا ہے کہ یہ منصوبہ صدر بش کے اس مطالبے سے ہم آہنگی رکھتا ہے کہ اقتصادی اعتبار سے ابھرتی ہوئی اقوام، جیسے بھارت اور چین، اس پروگرام میں حصہ لیں۔