Yevropa rahbarlari Rossiyaning navbatdagi nishoni Ukraina bo'lishi mumkin deya xavotir olayotgan bir mahalda, Ukraina yana bir siyosiy inqiroz bilan yuzlashmoqda.

Pokistondagi prezident saylovlarida sobiq bosh vazira Benazir Bxuttoning turmush o'rtog'i Osif Ali Zardariyga parlament va mahalliy kengash a'zolarining 70 foizi ovoz bergan.

Yevropa Ittifoqi tashqi ishlar vazirlari Fransiyada yig'ilib, Gruziyaga xalqaro kuzatuvchilarni yo'llash masalasini muhokama qilgan. Mintaqaga 200 dan ortiq kuzatuvchi safarbar etilishi mumkin.

Respublikachi senator Jon Makkeyn, prezidentlikka nomzodlikni rasman qabul qilar ekan, islohotchi rahbar bo'lishga, iqtisodiyotni tiklashga hamda Amerikani neftga tobelikdan xalos qilishga va'da bermoqda.

Kollektiv Xavfsizlik Shartnomasi Tashkilotiga a'zo davlatlar rahbarlari Moskvada uchrashgan. Biroq davlatlar Janubiy Osetiya va Abxaziya mustaqilligini tan olmagan.

AQSh hukumatiga ko'ra, yaqin 30-40 yilda mamlakat demografiyasi keskin o'zgaradi. Bu jamiyatda hozirgidek Yevropa kelib chiqishiga ega fuqarolar emas, lotin amerikalik va osiyoliklar ko'pchilikni tashkil eta boshlaydi.

Inson huquqlari bo'yicha Human Rights Watch tashkiloti tahlilicha urushda Rossiya ham, Gruziya ham qabih ishlarni amalga oshirgan.

Eronda o'limga mahkum etilganlar dorga osiladi yoki toshbo'ron qilinadi. Dorga osishga kelganda, mahbusni darhol o'ldiruvchi metod emas, uni bo'shroq osib, dorda ko'proq qiynovchi usul ma'qul ko’riladi.

Amerika Rossiya bilan urushda zarba yegan Gruziyani tiklash uchun 1 milliard dollarlik yordam ko'rsatadi. "Rossiya Gruziyaning demokratik tuzumini barbod qila olmadi. Xalqaro hamjamiyat bu davlatni quvvatlashda davom etadi",- deydi Kondoliza Rays.

44 yoshli Sara Peylin - Alyaska shtati gubernatori. Besh farzandning onasi. Katta o'g'li Iroqqa xizmatga otlanmoqda, kenjasi esa nogiron tug'ilgan. Oila muqaddas, abort vahshiylik, nikohsiz farzand ko'rish esa gunoh deydi u. Lekin...

Qoraqalpog'istonda mustaqil jurnalist Solijon Abdurahmonov ustidan tergov jarayoni yakunlangan. Giyohvand moddalar savdosida ayblanayotgan jurnalistning sudi 12 sentyabrda o'tadi.

Rossiya Bosh vaziri Vladimir Putinning O'zbekistonga tashrifidan asosiy maqsad Kavkazdagi vaziyat yuzasidan ittifoqchi topish edi, deydi tahlilchilar.

AQSh va Yevropa Ittifoqi Rossiya bilan muloqot qilmoqchi, ammo Kreml strategik hamkorlik haqida unutishi kerak. Dmitriy Medvedev bunga javoban "Rossiya hech kimga boshini egmaydi", - deydi.   

AQSh vitse-prezidenti fikricha Vladimir Putin - "KGB sarqiti". Rossiya Janubiy Osetiyadagi qaltis vaziyatdan foydalanib Gruziyaga bostirib kirdi, deydi Cheyni, "Endi u yerdan o'z qo'shinlarini olib chiqishga shoshmayapti".

Kassetali bombalar parchalanuvchi aslahalar toifasiga kiradi. Yuzdan ortiq davlat ularni man etgan. Kassetalarda 96 dan 640 tagacha kichik bombalar bo'ladi. Human Rights Watch tashkilotiga ko'ra har ikki tomon ulardan foydalangan.

Yevropa Ittifoqi Rossiya bilan strategik hamkorlik bo'yicha muzokaralarni to'xtatadi, ammo sanksiya qo'ymaydi. Rossiya Bosh vaziri Vladimir Putin "Yevropa Ittifoqi aql-idrok bilan ish tutdi" deya xulosa qilmoqda.

Mustaqillikning 17 yilligi munosabati bilan chiqarilgan amnistiya, Senat qaroriga ko'ra, og'ir jinoyatlarda aybdor deb topilgan kishilarga tegishli emas. Hukumatni tanqid qilgani uchun qamalganlar-chi?

Islom Karimov Rossiya bilan iqtisodiy-siyosiy hamkorlik oshib borayotganini aytib, aloqalarni barqaror va mustahkam deb atagan.

Britaniya nazarida Yevropa Rossiya bilan hamkorlikni cheklashi va keskin talablar qo'yishi lozim. Fransiya va Germaniya Kreml bilan til topishish uchun diplomatik harakatlarni kuchaytirish kerak demoqda.

Jo Bayden 65 yoshda. 29 yoshidan beri senatorlik qiladi. Siyosiy janglarga usta. Barak Obamaning raqibi Jon Makkeynni yaxshi biladi. Makkeyn singari uni ham jafokash arbob sifatida maqtashadi va bir paytning o'zida va'dabozlikda ayblashadi.

O'zbekiston G'arb va Rossiya bilan o'zaro manfaatlarga asoslangan, muvozanatli aloqa yurita oladimi? O'tgan 17 yil sarhisob qilinganda, Islom Karimov hamisha bir tomonga ko'proq og'ishi ko'zga tashlanadi.

AQSh harbiy kemalari Bosfor bo'g'ozi orqali Qora dengizga kirayotgani Rossiyaning kuchli noroziligiga sabab bo'lmoqda. 1936 yilda imzolangan shartnomaga muvofiq Bosfor bo'g'ozini Turkiya nazorat qilib keladi.

1990-yillar boshida kuzatilgan uyg'onish, jamiyatdagi erkinlik, demokratik to'lqin asta-sekin xotiraga aylanmoqda. "O'shanda go'zal bir to'lqin bor edi xalqimizda, biz shu to'lqinni yo'qotib qo'ydik".

Prezidentlikka nomzod senatorlar - Jon Makkeyn va Barak Obama tashqi aloqalar bo'yicha qo'mitaga a'zo. Makkeyn Markaziy Osiyoga ko'p marta safar qilgan va mintaqa diktatorlar qo'lida deb keladi. Obama hozircha o'z qarashlarini tushuntirmagan.

Bugun amerikaliklar uchun eng muhim masala - iqtisod. Ikkinchi o'rinda xavfsizlik, jumladan Iroq va Afg'onistondagi urushlar. Prezidentlikka nomzodlar Barak Obama va Jon Makkeyn ulkan va'dalar bermoqda, biroq ularga ishonch past.

Prezidentlikka nomzod kishi avvalo o'ziga sherik tanlaydi – vitse prezidentlik uchun. Senator Jo Bayden ma'qul topilgani ko'pchilikni ajablantirdi, chunki Barak Obama o'zgarishlar davri keldi deb jar solmoqda. Bayden esa keksa siyosatchi.

Qo'shma Shtatlar Belarus bilan aloqalarni yaxshilashga tayyor, ammo bu mamlakatda kelasi oyga belgilangan saylovlar erkin va adolatli o'tishi kerak. Belarusga qo'yilgan sanksiyalar ham olib tashlanishi mumkin.

Gruziya Tashqi ishlar vazirligiga ko'ra, Rossiya fuqarolariga viza berish to'xtatilgan. Gruziyaning Moskvadagi elchixonasi xodimlari vatanga qaytmoqda. Mamlakat parlamenti bu qarorni yoqlab ovoz bergan.

Pentagon O'zbekistonga qurol-aslaha omborlari himoyasini mustahkamlash uchun texnik yordam ko'rsatmoqda.

Senator Barak Obama AQSh Demokratik partiyasidan prezidentlikka nomzodlikni qabul qildi. Partiyaning Kolorado shtatida dabdaba bilan o'tgan qurultoyida siyosatni boshdan oyoq yangilashga so'z berdi.

Rossiya diplomati, NATOda elchi bo'lgan Dmitriy Rogozin nazarida alyans Sovuq Urush davri qobig'idan chiqa olmayapti. Rossiya-NATO aloqalarini tubdan ko'rib chiqish kerak deydi diplomat.

A'zo davlatlar Rossiya-Gruziya tinchlik sulhini bir ovozdan ma'qulladi. Kreml Janubiy Osetiya va Abxaziya mustaqilligi masalasida ham dalda kutgan edi. Biroq Rossiya xato o'ylagan ko'rinadi.

Mahalliy tadbirkorlar fikricha, O'zbekistonda tadbirkorlar uchun sharoit bundan 10-15 yil avvalgi ahvolga qiyoslaganda ancha og'irlashgan.

Rossiya Janubiy Osetiya va Abxaziya mustaqilligini tan olarkan, Mustaqil Davlatlar Hamdo'stligi tarixida yangi bir davr boshlanmoqda. Suveren davlatlar o'z huquq va erkinligini kafolatlashga kirishishi mumkin.

Yevropa Ittifoqini boshqarayotgan Fransiya Rossiyaga nisbatan sanksiya qo'yilishi mumkinligi haqida ogohlantirgan. Britaniya Tashqi ishlar vaziri Deyvid Miliband esa Yevropa Ittifoqi va NATO Rossiyaga qarshi koalitsiya tuzmoqda deydi.

AQShning 232 yillik tarixida ilk marta, bir paytlar qul sifatida sotilgan va kamsitilgan, hatto bugungacha teng huquqli fuqaro sifatida o'rnini topishga qiynalayotgan qora tanlilar vakili prezidentlikka ravo ko'rilmoqda.

Janubiy Osetiya va Abxaziya mustaqillikni tantana qilmoqda. G'arb esa  Rossiya siyosatidan qat'iyan norozi.

Gruziya va Rossiya o'rtasidagi urushni to'xtatish uchun vositachilik qilgan Fransiya hamda AQSh, Britaniya va Germaniya Kreml qarorini qoralamoqda. Abxaziya va Janubiy Osetiyada mustaqillik tantanasi avjida.

AQSh senatori Xillari Klinton Demokratik Partiyani birdamlikka da'vat etib, yosh senator Barak Obamani prezident etib saylashga chaqirmoqda. Amerika yangi rahbar saylashga tayyorlanar ekan, "har bir daqiqa va har bir ovoz" g'animat deydi u.

"Rossiyaning NATOsiz ham kuni o'tadi", - deydi Rossiya prezidenti Dmitriy Medvedev. Kreml Gruziya bilan imzolangan sulhga amal qilmayotganlikda ayblanmoqda. Lekin Yevropaning qator davlatlari Rossiyaga sanksiya qo'yish taklifiga qarshi.

Pokiston prezidenti Parvez Musharraf ishdan ketgach, mamlakat kelajagi yana qil ostida. Sobiq bosh vazir Navoz Sharif yetakchiligidagi Musulmon Ligasi koalitsiyani tark etmoqda.

Eron tashkilotga kirish niyatida qat'iy ekan, a'zolardan faqat Tojikiston uni bu borada quvvatlamoqda. Tahlilchilar nazarida Eronni qabul qilish siyosiy vaziyatni yanada murakkablashtirishi, manfaatlarni tahdid ostiga qo'yishi mumkin.

Rossiya generali Anatoliy Nogovitsin nazarida rasmiy Tbilisi Janubiy Osetiyaga yana hujum qilmoqchi. Shu bois, deydi general, rus askarlari Gruziyaning ba'zi hududlarida xizmatni davom ettiradi.

Vashington va Bag'dod Amerika askarlarini Iroqdan olib chiqish sanasini belgilash arafasida. Taxminlarga ko'ra, AQSh qo'shini 3 yildan so'ng Iroqni tark etadi. Agar mamlakatda xavfsizlik qaror topsa.

AQSh prezidentligiga demokrat nomzod Barak Obama tajribali senator Jo Baydenni bo'lajak siyosiy hamrohi etib tanladi. Obama prezident bo'lsa, 65 yoshli Bayden vitse-prezident lavozimini egallaydi.

Pokistonda prezident saylovlari 6 sentyabrga belgilandi. Nomzodlar kelasi haftagacha ro'yxatdan o'tishi zarur. Pokiston Xalq Partiyasi rahbari, sobiq bosh vazira Benazir Bxuttoning turmush o'rtog'i Osif Ali Zardariy prezidentlikka da'vogar.

O'zbekistonda Rossiyaning 10 dan ziyod televizion kanallari kabel tarmog'i orqali translyatsiya qilinadi. Kavkazdagi mojaro haqida tasavvur Rossiya ommaviy axborot vositalaridan olingan ma'lumotga asoslanadi.

Shimoliy Atlantika harbiy alyansi Kremlga Rossiya qo'shini Gruziyadan butunlay chiqib ketsin deya shart qo'ygan. Bush nazarida Rossiya bergan va'dasiga amal qilmayapti. Kreml hamkorlikni to'xtatishni ma'qul topgan.

Kavkazdagi mojaro Olimpiya musobaqasi bo'lganida, deydi amerikalik sharhlovchi Tomas Fridman, Rossiyaga vahshiylik uchun oltin, Gruziyaga o'ylamasdan chiqargan qarorlari uchun kumush,  AQShga kaltafahm siyosati uchun bronza medali tekkan bo'lardi.

AQSh diplomatlari fikricha Rossiya Mixail Saakashvili hukumatini barbob qilmoqchi bo'ldi, ammo o'z obro'sini to'kdi. Kreml rasmiylari deydiki, Amerikaning boshqa davlatlarni baholashga haqqi yo'q, chunki uning o'zi agressiv siyosatga berilgan.

Rossiya harbiylarining aytishicha, Gruziya urushda orqaga chekinib pozitsiyalarini boy berdi. Mintaqada Rossiya tekshiruv punktlari barpo etiladi. Kreml, shuningdek, NATO bilan hamkorlikni to'xtatmoqda.

Eshak, mehnatkash jonivor,demokratik partiya timsoli. Fil esa, zabardast hayvon, qudratni anglatadi va respublikachilar partiyasi belgisidir. Bir yarim asrdan oshibdiki, Oq Uy va Kongressda mana shu partiyalar hukmronlik qilib keladi.

Uzoq va mashaqqatli muzokaradan so'ng, Varshavada bu borada kelishuv imzolangan. Unga muvofiq AQSh Polshada 2013 yilga borib raketani urib tushirishga qodir 10 sistema, Chexiyada esa radar tizimi o'rnatadi.

"Kim nima deyayotgani muhim emas, xalqim ko'makka muhtoj", - deydi gruziyalik jurnalist Giya Abashidze. "Urush hech kimning boshiga tushmasin. Bu yerdagi xunrezliklarni ko'ribgina kim zo'ravon, kim jabrdiyda ekaniga guvoh bo'lasiz".

Pokistonda hukmron koalitsiya Parvez Musharraf iste'fosidan so'ng kimni prezident etib saylash usida o'ylanmoqda. Konstitutsiyaga ko'ra, parlament va mahalliy kengashlar bir oy ichida yangi rahbarni saylashi zarur.

Mehnat muhojirlari deb atalayotgan bu qatlamning asosiy qismi Rossiya va Qozog'istonda. Ular iqtisodiyotning asosiy tirgagi, ammo hukumat bu masalani tan olmaydi.

Kreml nazarida Gruziyaning amaldagi rahbari - layoqatsiz va u hokimiyatda qolarkan, mintaqa urushdan chiqmaydi. Saakashvili G'arbni uning xalqini va shu tariqa demokratiya va erkinlikni himoya qilishga chaqirmoqda.

Xalqaro Qizil Xoch Qo'mitasi hisobiga ko'ra, Gruziyaning mojaroga botgan hududlarida o'n minglab odamlar yordamga muhtoj, jumladan Janubiy Osetiyada. Qizil Xoch davlatlarni faol ko'makka chaqirmoqda.

Amerika matbuoti Bush ma'muriyatining  Mixail Saakashvili bilan aloqalari, Rossiya bilan kelishmovchiliklar sababi va AQShning dunyoning bu qismida qanday ta'sir kuchiga ega ekanini tahlil qilmoqda. Xulosa shuki, amaldagi siyosat ish bermayapti.

AQSh rahbari Rossiyani jahon ahli oldida bergan va'dasida turishga va Gruziyada harbiy harakatlarni bas qilishga chaqirmoqda.

"Biz tartib o'rnatdik. Gruziya jiddiy talofat ko'rdi",- deydi Rossiya prezidenti. "Gruziya mintaqa xalqini ezar ekan, biz chora ko'rishga majbur bo'ldik, aks holda yanada ko'proq odam halok bo'lgan bo'lardi".

Ukraina Gruziyaga yordam berishga tayyor. Boltiqbo'yi respublikalari Rossiya harakatlarini qoralamoqda. Qozog'iston Kremlni quvvatlasa, Qirg'iziston mojaroni muzokara yo'li bilan hal etish tarafdori. O'zbekiston sukutda.

Tojikistonda bolasini bog'chaga berayotgan ota-onadan tortib, eng yuqori hukumat idoralarida ishlayotgan odamlargacha barcha pulsiz ish bitira olmasligi matbuotda ochiq aytiladi.

Bu safargi saylov avvalgilaridan keskin farq qiladi. Irq, jins va din kabi omillar, hatto nomzodlarning yoshi saylov natijasiga ta'sir qilishi aniq. "Amerika Ovozi" fuqarolardan "qora tanli prezidentga ovoz berasizmi"? - deb so'radi.

Prezidentlikka respublikachi nomzod Jon Makkeyn O'zbekistonda bo'lib, noxush taasurotlar bilan qaytgan siyosatchi. Sharhlovchilar nazarida rahbar kim bo'lsa ham, rasmiy Toshkentga imkoniyat beradi.

Xitoy hukumati uyg'urlar milliy harakatini islomiy ekstremizm deb ta'riflaydi. Ekstremizmga qarshi kurash davlat siyosatining ustuvor yo'nalishiga aylangan.

Sharhlovchilarga ko`ra Markaziy Osiyo davlatlari o`rtasida ikki tomonlama hamkorlik ijobiy darajada emas. Chegarada ahvol og`ir, davlatlar bir-biriga shubha bilan qaraydi.

Yaponiya O'zbekistonga eng ko'p mablag' kiritayotgan sarmoyadorlardan - hamkorlik boshlagandan buyon mamlakat iqtisodiyotiga qariyb ikki milliard dollar ajratilgan. Rasmiy Tokio Toshkentni siyosiy jihatdan ham qo'llab-quvvatlab keladi.

AQSh va Qozog'iston hukumatlari hamkorlikda, Aktau shahridagi yadro inshootidan 300 tonna ishlatilgan yadroviy yonilg'ini Semipalatinsk poligoniga ko'chirish uchun taraddud ko'rmoqda.

Kelasi hafta uch davlat rahbarlari Dushanbeda uchrashib masalani hal qilishi kutilmoqda. Telekanal faoliyati bo'yicha xarajatlarni Eron o'z zimmasiga olishini bildirgan. Yangi telekanal markazi Tojikiston poytaxti Dushanbeda bo'ladi.

Prezident Hamid Karzay narkotiklar savdosi bilan shug'ullanayotgan yuqori lavozimli rasmiylarni himoya qilmoqda, deydi AQSh Davlat departamenti sobiq rasmiysi Tomas Shveych.

Siyosiy harakat mavjud ekologik muammolarni mustaqil tarzda o'rgana boshlasagina biror foyda keltrishi mumkin. Vaholanki, navbatdagi qo'g'irchoq partiya shakllanadi, deydi tahlilchilar.

"Ijtimoiy fikr" markazi xulosasiga ko'ra, O'zbekiston aholisining 97 foizi huquqiy chora-tadbirlardan xabardor, huquqiy savodxonlik oshmoqda. Faollar bu xulosa yolg'on, demoqda.

Yaqinda Oliy Majlis fuqaro jamiyati institutlarini qo'llab-quvvatlashga doir qaror qabul qilgan. So'z va matbuot erkinligi ta'minlanmas ekan, qonun-farmonlardan foyda yo'q, deydi sharhlovchilar.

Soxta ayblovlar asosida hibsga olingan qoraqalpog'istonlik jurnalist Solijon Abdurahmonov ustidan tergov boshlangan. Davlat televideniyelarida esa "Ozodlik" radiosi jurnalistlariga qarshi ko'rsatuvlar efirga uzatilgan.

Markaziy Osiyo respublikalarida iqtisodiy vaziyat og'ir bo'lib, aholi orasida hukmron tizimga nisbatan norozilik ortib borayotgani va qo'shni Afg'oniston hamon notinch ekani, mahalliy tahlilchilar nazarida, mintaqada beqarorlik hissini kuchaytirmoqda.

AQShda sobiq davlat kotiblari - Jeyms Beyker va Vorren Kristofer Kongressdan prezidentning urush e'lon qilish vakolatlarini cheklashni so'ramoqda. Toki, deydi ular, prezident urush boshlash yoki unda qatnashish uchun qonunchilardan ruxsat olsin.

Yaqinda Moskva meri Yuriy Lujkov Markaziy Osiyoga Sibir suvlarini sotish haqidagi loyihani muhokama qilishga chaqirdi. O'zbekistonlik mutaxassislar Sibir loyihasidan ko'ra mintaqa suvidan tejamli foydalanishni yo'lga qo'ygan ma'qul deydi.

Oxirgi 10 yil ichida dunyoning ko’plab davlatlarida rahbar lavozimlarni xotin-qizlar egallay boshladi. Shunday bo’lsada, ko’pchilik nazarida siyosiy doiralarda ayollar hamon kamchilik va hali-beri bu borada erkaklar bilan tenglasha olmaydi.

Oliy Majlis BMTning Korrupsiyaga qarshi kurash bo'yicha konvensiyasini ma'qullagan. Lekin bu O'zbekistonda yulg'ichlik, poraxo'rlik va xalq mulkini o'marish kabi muammolarga qarshi kurash boshlanadi degani emas. 

O'zbekistonda ayrim siyosiy mahbuslar ozod etilganiga qaramay huquqiy vaziyat og'ir. Yusuf Juma "Jasliq" qamoqxonasiga olib ketilgan, huquq himoyachisi Norboy Xoljigitov salomatligi o'ta og'ir deya xabar qilinmoqda.

Amerika tarixida nomzodlar o'rtasidagi farq har jihatdan bu qadar katta, omma o'rtasidagi bahsu-tortishuvlar bu darajada keng va keskin bo'lmagan. Bu - mafkura, ijtimoiy-siyosiy tafovutlar va avlodlararo munozara.

Qirg'izistonlik jurnalist, "Amerika Ovozi" muxbiri, 2007 yil kuzida O'shda otib ketilgan Alisher Soipov o'limini tergov qilish jarayoni hamon natija bermagan. Uning otasi Avaz Soipovning aytishicha, tergovchilar muhim dalil-ashyolarni yo'q qilgan.

Mustaqil kuzatuvchilar fikriga ko'ra, O'zbekistondagi demokratik qadriyatlar, so'z, axborot, matbuot erkinligi haqidagi nazariy qarashlar va mamlakatdagi real hayot o'rtasida farq tobora kengaymoqda.